Greinar

Galactic Couriers er fyrirtæki sem Laran datt í hug að stofna fyrir Aegis í tvþættum tilgangi: Annars vegar að þjóna sem tekjustofn fyrir Aegis og hins vegar sem hluti af njósnaneti Aegis. T

Tilgangur póstsendingakerfisins er sá að koma bögglum hvert á land sem er í vetrarbrautinni með því að tengja saman sjálfstæða aðila gegnum fyrirtækið. Þetta myndi virka þannig að fólk sem vill fara með pakka skráir sig í gagnagrunn og farið er yfir umsóknina: Hver þetta er, hvaða farartæki ætlar manneskjan að nota, eru staðir sem hún fer reglulega á, hvert getur hún farið með pakka núna o.s.frv. Ef manneskjan er að fara eitthvað þar sem enginn er skráður sem móttökustöð getur hann farið með sendingu ef hann getur gefið upp ábyrgan aðila sem getur geymt pakkann þar til náð er í hann sem getur verið eftir mjög langan tíma. Yfirleitt eru þetta ekki mjög fyrirferðarmiklar eða dýrir pakkar. Þegar búið er að samþykkja umsóknina athugar hann með skilaboð eftir það um hvort það er pakki sem hann getur farið með á þann stað sem hann er að fara á. Smám saman myndi þetta net byggjast upp, það væru einstaklingar sem eru að kaupa sér far með farþegaskipum sem geta farið með pakka, lítil adventuring partý sem eru að fara út um allt og svo geta stærri fyrirtæki auðvitað séð sér hag í að flytja pakka líka. Þannig að það myndu myndast fastar flutningsleiðir en líka væri þetta óhemju víðtækt net. Fólk og fyrirtæki gæti þá líka skráð sig sem "bögglastöð" og þar væru pakkar geymdir þangað til náð er í þá. Stöðvarnar myndu skrá hvað þær geta tekið við miklu magni í kg og rúmmetrum svona c.a og öðru hvoru uppfært þær upplýsingar. Pakkar geta þá vitaskuld verið kannski mánuðum saman á einhverri stöð, jafnvel ár eða tvö, ef pakkinn er að fara á einhvern afskekktan stað. Mánaðarlega eða sex mánaðarlega væru svo færðar inn tekjur til sendla og móttökustöðva á einhvern galactic reikning. Þetta væri leið til þess að safna sér smá pening fyrir fólk, ekkert mikið en safnast þegar saman kemur og fólk væri hvort eð er alltaf að fara með böggul milli staða sem það hvort eð er fer til. Miðlæga netið héldi þannig utan um allar upplýsingar. Fólk væri þá reglulega að hlaða niður upplýsingum um sendingar í sínu kerfi og hvaða staðir væru með bögglastöð þannig að jafnvel þótt einhver hafi sett inn upplýsingar sem ekki væru komnir inn í miðlæga kerfið væri stöðin jú vissulega til staðar og þótt það væri ekki skráð nein sending þarna ennþá gæti vel verið að það væri samt pakki þarna. Þannig að fólk myndi oft fara bara á staðinn eða hringja og athuga hvort það biði einhver pakki þarna sem það gæti farið með.

Sendlar myndu smám saman byggja sér upp orðspor með því að hafa skilað af sér 10,20 o.fl sendingum og væri þá treyst fyrir verðmætari og verðmætari sendingum.

Fólk sem vill koma pakka eitthvað veit að það ekkert hægt að segja um hvenær pakkinn kemst þangað en í mörgum tilvikum er bara ekki hægt að koma pakka á einhvern ákveðinn stað i vetrarbrautinni og þetta er skárra en ekkert! Það er líka hægt að borga nokkrar gerðir af gjaldi:

Hraðsending sem er nokkuð örugg: Pakkinn sendur áfram eins hratt og hægt er og pakkastöðvar hafa þá samband við sendla sem annað hvort á staðnum eða innan kerfis og biðja þá um að koma og ná í pakkann og koma honum áfram í rétta átt (nokkuð dýrt fyrir sendanda).

Hraðsending sem er í venjulegum áhættuflokki (algengast): Venjulegt verð og pakki bara sendur áfram og bíður svo eftir að næsti maður geti tekið hann áfram (sá sendill er kannski að flytja pakka i fyrsta sinn)

Nokkuð örugg sending: Pakki bara sendur áleiðis með aðilum sem eru komnir með gott orðspor (10 sendingar og meira) en pakkastöðvar biðja engan um að koma. Pakkinn getur því stundum beðið á bögglastöðinni í talsverðan tima. Þetta væri sennilega möguleiki fyrir þá sem vilja senda eitthvað sem er nokkuð verðmætt en hafa ekki fjárhagslegt bolmagn til að koma þessu í hraðsendingu.

Pakkar væru því á ferð og flugi um alla Vetrarbrautina og jafnvel inn í Magellan skýið. Stundum getur svo auðvitað pakki týnst ef skip ferst eða því er rænt. Málið er hins vegar að það eru alltaf fundarlaun fyrir þessa pakka. Þannig að ef pakki finnst má alltaf skila honum inn og fá fundarlaun, án þess endilega að þú gefir upp nafnið þitt. Stundum gæti því ræningi ákveðið skila inn pakka sem er í farmi sem hann rænir!

Pakkarnir eru í afar sterkum umbúðum sem eru mjög áberandi á litinn og eru með lógó GC utan á þeim (pakki með vængjum og innan í pakkanum stendur GC).

Það er mjög mikilvægt að hafa ótalmargar pakkastöðvar og fólk fær þóknun fyrir ef það getur stofnað móttökustað, ekki endilega sjálft heldur ef það fær eiganda að t.d hóteli, veitingastað, verslun, verkstæði eða öðru fyrirtæki til þess að þjóna sem móttökustöð. Þetta er auðvitað ákveðin áhætta og því veljum við helst bara fyrirtæki og því stærra því betra, oftast eru þetta samt lítil fyrirtæki sem eru í þessu því þau sjá að þarna er smá peningur sem öðru hvoru dettur inn. Í fyrstu eru þau skráð sem Nýliðar, þar til þau hafa verið móttökustöð fyrir 10 sendingar sem þau hafa komið áfram, og eru því undir ákveðnu eftirliti. Fólk sem er að senda pakka sem sennilega eiga eftir að fara um þessa stöð veit þá af því að þetta er ný stöð og sendendur vita að þetta er ákveðin áhætta.

Miðlæga gagnanetið sendir öðru hvoru upplýsingar um sendingar, sendla, viðtakendur o.fl inn í gagnagrunn Aegis og sömuleiðis er hægt að leita í honum að ákveðnum skilyrðum uppfylltum. Þetta er dótturfyrirtæki og á að vera eins lítið samtvinnað Aegis og hægt er svo SO og fleiri gruni ekki neitt og þetta fréttist ekki

Til þess að koma fyrirtækinu á koppinn verða öll litlu teymin í Mithril Straits notuð sem sendlar í fyrstu og þeirra verkefni er líka að stofna helst eina móttökustöð á hverjum stað sem þau stoppa á. Þannig að kjarni GC verður amk í fyrstu í Mithril Straits sem er ákveðinn kostur því þar er margt að gerast. Sömuleiðis ætlum við að koma á sendingum yfir í Magellan skýið með því að nota okkur litla fyrirtækið sem við vorum búin að stofna á New Utopia. Þeir gætu komið sér upp neti með þvi að stofna stöðvar á öðrum plánetum og kynnt þetta fyrir fólki þar.

Við þurfum að kynna þetta fyrir umheiminum og munum því auglýsa þetta á helstu stöðvum og með því að hvetja sendla og aðra til að hengja upp blöð með upplýsingum um þetta. Við ætlum að birta auglýsingar á helstu sjónvarpsstöðvum og blöðum og leggja mikla áherslu á að auglýsa þetta á spaceports á lykilstöðvum líka. Það er auðvitað nokkur kostnaður við þetta en Laran telur að þetta gæti margborgað sig kostnaðarlega, fyrir utan upplýsingagildið.